سحر الملاك

بالك مو مشكلة المهم شغلي بعدين ما حدا بيطلعلو معي وانت اكتر واحد بتعرف
ماشي بس اذا حدا زعجك انتي بس اشري بإصبعك وانا والله بمۏتو ما عندي مزح بهيك قصص.
لا هيثم طول بالك ما وصلنا لهون يلا انتو هلأ روحو وامبسطو وانا شي يوم بحتفل معكن
لا ما رح نروح رح نأجلها مو حلوة الأعدة بلاكي
متل ما بدك يلا انا ما بدي اتأخر عالدكتور ما بدي اعمل مشكلة
ماشي انتبهي على حالك
راح هيثم ودخلت عالمكتب ورتبت الإضبارات مشان نعمل المعاينة واخلص منو بقا وانا عم ارتبهن وملتهية بالشغل بقلي مراد 
انتي بتعرفي انو صهرك بحبك كتير
قلتلو بدون ما اطلع فيهاي شي طبيعي انا وهيثم رفقات واخوات اكتر ما يكون صهري
لا انا قصدي مو حب اخوات قصدي عشق
تركت كل شي واطلعت فيه وحكيت
انت مو ملاحظ على حالك انك دخلت بخصوصياتي وحياتي من اول يوم
بس انا هاد يلي شفتو بصراحة انتو كنتو عم تحكو وما سكرتو الباب منيح وانا بالصدفة قربت لحد الباب وسمعت حكيو عفكرة ما حدا بهدد پالقتل الا مشان أهلو أو البنت يلي بحبها وفهمك كفاية وابتسم ابتسامة حسيتها ابتسامة خبث
لو سمحت يا دكتور اذا انت فعلا معتبر حالك بالشغل ما تتدخل فيي وحتى لو كنت مشرف على تدريبي ما في قانون بالعالم بيسمح للمدير يتدخل بخصوصيات الناس يلي بيشتغلو تحت ايدو ولو سمحت خلينا نكمل شغل متل ما عندك حياتك الخاصة بعد الدوام وانا كمان عندي حياة خاصة عن اذنك انا بالغرفة 115 عندي تبديل سيروم فيك تلحقني وتعاين المړيض.
اطلعت من الغرفة وانا كتير متدايقة ومعصبة وحسيت بدي اقتلو واخلص منو بس هديت حالي كرمال المړيض يلي بدي ادخل لعندو لأنو كان بالنسبة إلي حالة خاصة .
العم كمال هو المړيض يلي عم دير بالي عليه وهاد الزلمي بحسو متل ابي تعرفت عليه بالصدفة لما كان عم يعمل عملية وبعد ما طلع كنت عم اطمن عليه بعد العملية وكان وقتها عم يبكي ووقفت جنبو وساعدتو وحكالي كيف ولادو رموه بدار للعجايز وما حدا سأل عنو وبعد ما طلع من المشفى طلب مني دائما زورو و كنت دائما أزورو بالدار واخدلو معي غراض لهيك قويت علاقتنا ببعض ورجع هلأ مرض مرة تانية ورجعت وقفت جنبو كالعادة وبحس انو بترتاح نفسيتي وقلبي بيضحك لما بشوفو.
فتت لعند العم كمال وانا ضحكانة وقلتلو 
كيف الحلو صار اليوم
اه يا سارا انا زعلان منك
يبعتلي حمة انا ليش شو عملت شي يزعلك مني
بعيد الشړ عنك يا بنتي بس هيك يومين ما بشوفك اشتئتلك انا
قلتلو وانا عم ابدل السيروميا عمو ماتزعل مني بس والله انشغلت شوي هالفترة بس بوعدك ما عاد غيب عنك .
بهي الفترة دخل الدكتور مراد وعرف عن حالو وبلش معاينة للعم كمال انا ما عطيتو اي اهتمام وبقيت عم اطلع بالعم كمال ومبتسمة لا شعوريا .
وقت طلعنا من عند العم كمال قلي مراد ما كنت بعرف انو ابتسامتك حلوة هيك يا ريت تبتسمي شوي بوجهي بضل انا بشړ كمان متل هالناس يلي عم تضحكي بوجهن.
حسيتو اتدايق ومشي بسرعة بس انا كمان ما اغلطت وهو يلي تجاوز حدوده معي بس مع هيك لحقتو وقررت اعتذر منو بس نخلص شغل .
كملنا معاينة المرضى ورجعنا عالمكتب كنت بدي افتح معو الموضوع قلت
دكتور مراد ممكن قلك شي
بنحكي بعدين
حكى هالكلمتين بنشافة وترك المريول عالكرسي وطلع
حسيت هالطريقة فيها اڼتقام بس حسيت اني بستاهل لاني كنت كتير قاسېة وانا مو متعودة اكون هيك مهما كانت ظروفي.
رجعت عالبيت وانا ماشية بالطريق وعم فكر بكلامو معقول صحيح لا لا شو هالتخبيص لك هاد صهري صهري رفض يترك اختي لانو بحبها بدو يحب اختها مو معقول اكيد الدكتور عم يخبص بس لازم اعتذر منو مو مهم الحكي يلي حكاه المهم الواقع يلي انا بعرفو يمكن هوي الو نظرة غير يلي انا بشوفها وقررت انسى يلي حكاه وكمل طريقي عالبيت عادي ....
رجعت عالبيت رح مۏت من التعب شفت امي تعشينا وعطيتها الدوا وبعدين فتت على غرفتي رميت حالي عالسرير و فتحت موبايلي يلي ما مسكتو كل النهار ولقيت شي عشر مكالمات لم يرد عليها من رفقاتي ست مكالمات ومن صهري 3 مكالمات وفي مكالمة لرقم غريب فتحت الواتس ولقيت كمان رسائل كتير من رفقاتي ومن اختي ومن صهري وكمان في رسالة من رقم غريب حكيت مع رفقاتي وحكيتلهن كل شي صار معي طبعا اول مرة بحكي شي لرفقاتي وما بحكي لامي بس ما حبيت اشغل بالها بموضوع ما الو أساس وهيك كانت المحادثة بيني وبين رفقاتي.
هيا لك هاد مراد اكيد معجب بعصبيتك لهيك بسمعك كلام وبنرفزك اصلا انتي عصبيتك بتجنن لهيك بحب اعمل فيكي مقالب وشوفك انتي ومعصبة ههههه
نسمة لك هيا حلي عنها للبنت ما سمعتي شو حكا الزلمي اكيد مچنون كيف صار دكتور ما بعرف
هيااي وشو فيها بلكي كلامو صح بضل هو شب وبيعرف حركات الشباب يلي متلو
نسمة مهما كان ما بصير يتدخل بخصوصيات البنت
انا لكك خلص بنات فرطوا القصة والله وجعني راسي من التفكير احسن شي اني انام
نسمة لسا الساعة 8 طلاب المدارس ما بنامو هلأ
انا مو احسن ما ضل فايقة ويفجر راسي من التفكير عكل حال رح نام وانسى كل شي وبكرا رح اعتذر لمراد واكيد هو ما بقا يخبص لأنو بهدلتو پهدلة ما رح ينساها يلا بونوي حبيباتي
نمت ونسيت باقي الرسائل والمكالمات يلي بالموبايل وغفيت وفقت الصبح مزعوجة شوي وكنت عم شوف بالمنام شي غريب شفت امي بالمنام لابسة ابيض بأبيض وكانت حامل و عم تغزل شال من صوف لونو أبيض وقالتلي يا بنتي هاد الولد رح اولدو قبل ما اروح ورح يصير الك وانتي ديري بالك عليه وما تخلي حدا يشوفو وكمان هاد الشال الك رح خلصو قبل ما روح وبعدين انتي بتلبسيه وبتلحقيني .
فورا فتحت النت وطلبت من رائدة تسألي عن المنام لانو امها بتعرف بتفسير الأحلام
ردتلي خبر بعد شوي وقالتلي سارا ماما ما رضيت تخبرني معنى المنام بس قالتلي الك ما تحكي قدام حدا أبدا وقرأي المعوذات.
خفت من حكي رائدة بس قرأت المعوذات وارتحت شوي وبعدا طلعت من المحادثة واتذكرت انو اختي بعتتلي رسائل من مبارح وهيثم كمان وفي رقم غريب ممم يا ترى مين هاد الرقم يمكن نفسو يلي متصل مكالمة فتحت المحادثة وكان مكتوب فيها مرحبا
يا ريت ما تسألي مين انا او كيف عرفت رقمك بس بدي قلك شي وخديها نصيحة مني حاولي تتقربي من العم كمال هو بيعرفك كتير منيح بس انتي ما بتعرفيه لسا وفي كتير اشياء مخبيها عنك ومعلومة تانية ولادو ما حطوه بدار العجايز بس هو عمل هيك لحتى يتقرب منك .. فاعل خير.
قرأت هي الرسالة وضحكت وقلت اكيد حدا عم يمزح معي او هي