سحر الملاك

يلي جنب السرير ومسك إيدي وقلي 
سارا انتي لازم تكوني قوية إنتي اكتر وحدة بتعرفي انو كلنا بدنا ڼموت وتقريبا كل يوم عنا حالة ۏفاة بالمشفى لهيك لازم تآمني بالقضاء والقدر وما تخلي شي يضعفك.
دكتور انتو قلتولي انو ماټت بټسمم دوائي طيب كيف صار هيك ماما مستحيل تغلط بالدوا مستحيل معقول تكون اڼتحرت !
ما بعرف بس يلي بعرفو أنو رح ضل واقف جنبك لحتى تعرفي الحقيقة فيكي توثقي فيي.
شكرا الك دكتور رح عزبك معي
عزابك راحة .
بعد ما مشي اعدت افكر بكلامو ونسيت الورقة بعد شوي اتذكرت ورجعت فتحتها قرأت فيها 
أنا آسفة بس كان لازم هيك يصير رح تلاقي شريط بالدرج فيو فيديو الي ولما تشوفيه بتعرفي كل شي بس بدي ما حدا يعرف بهالشريط لحتى انتي تقرري....
فتحت الدرج فورا ولقيت الشريط وجبت اللابتوب وشغلت الفيديو وكانت اول شي الصورة مو واضحة وبعدها وضحت الصورة وظهرت غرفة امي وسريرها وبعدها اعدت امي عالسرير وبلشت حكي يا بنتي انا بعتذر على كل شي بدي قولو بس انتي صار لازم تعرفي الحقيقة إبراهيم مو ابوكي ابوكي الحقيقي هو كمال الشخص يلي بتهتمي فيه دائما ... انا وكمال كنا نحب بعضنا كتير وكنا بدنا نتزوج بدون رضا اهلي بس اخي ضل ورايي لحتى بعدنا عن بعض وجوزني من ابراهيم الشخص يلي ما حبيتو بعمري رغم انو كان كتير منيح بس كان قلبي معلق عند كمال وحملت وجبت هيفاء وهادي وانا عايشة بحزن ومأساة كبيرة وحكيت مع ابراهيم واقنعتو انو ننفصل ويبقو الولاد معو ووافق ورجعت اتزوجت كمال وحملت منو وكانت احلى هدية بتقدمها الدنيا الي وهي انتي وولدت وسميناكي سارا انا وابوكي كمال لانو كنا متفقين من قبل الزواج على اسم تيم وسارا ولما صار عمرك 10 ايام اجا اخي على بيتي وهددني يا اما بيقتلك يا اما برجع بتزوج ابراهيم وبسجلك على اسمو وانا ما كان ادامي خيار غير اني اوافق مشان تبقي جنبي وادام عيني وطبعا ابوكي كمال وافق لنفس السبب
انتي هلأ اكيد رح تكرهيني بس انا اڼتحرت قبل ما تعرفي الحقيقة كرمال هالموقف ما بقدر شوف بنتي عم تكرهني وما حبيت اخواتك يعرفو لانو اذا عرفو انك مو اختهن اكيد رح يضيعوكي ويكرهوكي وانتي هلأ حرة بالتصرف بعرف انك واعية ورح تعملي الصح سامحيني يا بنتي سامحيني...
......
خلص الفيديو وانا مو عرفانة شو شعوري بالضبط بس عرفانة انو دموعي غرقتني شو يلي عم يصير معي صدمة ورا صدمة والله كنت عايشة حياة حلوة من قبل شو يلي قلب حياتي بهالشكل مو عارفة غفيت عالسرير وانا تعبانة من كتر البكي وبعز نومتي حسيت على باب انفتح فقت بسرعة وسكرت الكومبيوتر قبل ما اشوف مين يلي فات وكانت هيفاء قالتلي 
شو حبيبتي ما رقتي لسا ...ليكي عيونك اتورمو من البكي ..كلنا عهالطريق لا تنسي وكلنا رح يجي يوم وڼموت
ما بقدر انساها كانت اقرب انسانة الي
فيكي تعتبريني اقرب انسانة الك فيني كون متل امك او على القليلة متل نصها
يا ريت يا هيفاء يا ريت ضميتها وانا البي محروق اول مرة بحس بقيمة اختي وهي فعلا اول مرة بتعاملني بحنية كانت من قبل بعيدة عني كل البعد ...بعد شي دقيقة وانا عم ابكي بحضنها رجعت ذاكرتي لورا واتذكرت كلام امي...بعدت عنها شوي ومسحت دموعي واطلعت بعيونها وقلتلها 
هيفاء وعديني شو ما صار ما تتركيني
حبيبتي شو مناسبة هالحكي
وعديني وبس .....
قصة الملاك الأبيض tt.
الب الرابعارت

حبيبتي شو مناسبة هالحكي
وعديني وبس
ماشي بوعدك انو شو ما صار رح ضل جنبك وما رح اتخلى عنك أبدا لك انتي اختي الحنونة ...بتتذكري وقت كنا صغار كيف كنا قراب من بعض بس كبرنا وانا الحياة شغلتني عنك بس انا هلأ حابة نرجع نقرب من بعض متل اول لهيك انا ما عاد بدي ابعد عنك أبدا وبدي اقنع هيثم ننقل عالفيلا ونعيش معكن
اي يا ريت ... صحيح هادي شو وضعو
هادي والله صرلو من يوم ۏفاة امك ما سهر مع رفقاتو ولا طلع من البيت وصاير كتير عم يبقى بغرفتو بس طبعا ما حبس حالو متلك ..
اها غريب والله
فجأة انفتح باب الغرفة وفاتت سيلين وقالتلي بدلع الولاد 
خالتو سارة يلا بقا ما بدك تقومي كلنا اشتقنالك اذا بدك بجبلك شوكولا لحتى ترضي وتبطلي زعل
وفجأة دخل مراد عالغرفة بعد ما دق عالباب بإيدو دقتين وكان حامل بإيدو علبة مغلفة وقال
لا لا انا سمعت انو الانسة سارة اذا زعلت ما في غير الشوكولاتة بتعدللها مزاجها لهيك سبقتكن وجبت الشوكولا
تفاجئت وارتسمت على وجهي ابتسامة لا شعوريا وقلت 
اهلين دكتور شرفتنا
ركدت سيلين على مراد وضمتو وصارت تقلو برافو عمو مراد برافو
انا قلت
شو بتعرفو بعض !!
اي اي خالتو سارة كنا عم نلعب انا وعمو برا وانا قلتلو انك بتحبي الشوكولاتة
اها هي خېانة
يلا سارة بلا دلع لازم تقومي المشفى ما حلو من دونك وانا صار عليي ضغط شغل لازم تساعديني
بفكر بالموضوع اصلا لسا إجازتي ما خلصت يا دكتور
ممم فكري من هون للمسا وبس نطلع نتعشى سوا بتقليلي شو قرارك
نتعشى!!
اي بدنا نحكي شوي عن الشغل ونغير جو واختك المدام هيفاء ما عندها مانع انا طلبت منها اذن مو هيك مدام هيفاء !!
اي هيك ونص دكتور يلا حبيبتي سارة ارتاحي هلأ ادامك شغل المسا
طلعو كلن من الغرفة وانا عم اضحك حسيت اديش مهتمين فيي وبدن ياني اطلع من الجو يلي انا فيه حسيت بالأمان وصرت فكر ليش مراد عم يعمل هيك حسيتو عم يتقرب مني ....
بعد ساعتين دخلت هيفاء لعندي ...
هيفاء شو لساكي اعدة ... يلا قومي ..لازم تجهزي حالك
وانا رح كون المشرفة على لبسك وموديل شعرك ومكياجك
سارة لا لا طولي بالك مكياج شو وموديل شو ... هاد عشا عشا مو عرس بعدين عيب امك ما صرلها مېتة اسبوع
هيفاء اي عنجد عيب طيب بس قومي معي
طاوعتها ورحت معها ولبست بنطلون جينز وكنزة سودا وخليت شعري مفرود
هيفاء اي ها ليكي بدون مكياج انتي بتجنني يا عمري ...تئبشيني يلا اتصلي بمراد خليه يجي ياخدك
اتصلت بمراد ....
سارة الو .. مرحبا دكتور ... انا جاهزة فيك تجي
مراد اولا انا برا من زمان وناطرك تحكيني .. وتانيا هي كلمة دكتور رح نحكي فيها بعدين
سكرت التليفون وطلعت فعلا لقيتو برا كان واقف ومستند على السيارة ولما شافني وقف وقربت لعندو سلم عليي وصافحني وفتحلي باب السيارة ووصلنا على المطعم كان مطعم حلو كتير وكان للصدفة على طريق بيت اختي هيفاء
اعدنا وما حكينا شي بعدين قرر مراد يفتح حديث ...
مراد اي .. شو مشان كلمة دكتور ... ليكي بالمشفى قوليلي دكتور بس برا المشفى بتناديني مراد وبس .. شو بتناديني..
سارة مراد
مراد اي ها ليكا طالعة من تمك بتجنن
خجلت ونزلت راسي بالأرض ...طلب العشا ولما تعشينا طلب الجرسون وهمسلو بإدنو وبعد شوي اجا الجرسون ومعو علبة مشروب ولاففها