فترة عشان تراعيها وأنا بحسن نية قولت إنها تيجي تشرفنا.
وبعد يومين من حضورها المشاكل اختفت تماما من البيت بل الغريب إن أختي بقت مطيعة ليهم تماما وبتسمع كلامهم في أي حاجة يقولوها قولت في عقل بالي يمكن اتصافوا والست الكبيرة حلت المشاكل ما بينهم وبدأت ألاحظ إن أختي بقت شبه يوميا بتلبس دهب أمها اللي سابتهولها كله الخاتم والحلق والغويشة والسلسلة كنت بستغرب ده وبحذرها متخرجش بيهم لأن المنطقة مش أمان وأي حد ممكن يثبتها ويسرقهم منها وكانت بتطمني إنها مش هتخرج بيهم وهتفضل بيهم في البيت.
لحد ما رجعت في مرة على تليفون مراتي بتقولي إن أختي خرجت من الصبح ولسة مرجعتش اتصلت بأختي كان التليفون بتاعها مغلق سألت عليها عند أكتر من حد من معارفنا ومحدش يعرف لها أي طريق قلبت عليها الدنيا بس كانت اختفت تماما ومن قهرتي جريت على القسم وقالولي لازم الاختفاء يكون من 24 ساعة عشان تقدر تعمل محضر كنت هتجنن جريت على المعلم عكاشة صاحب الورشة وبعت الصبيان بتوعه في كل حتة وللمتسولين في المنطقة خاصة إني عرفت انها خرجت وهي لابسة الدهب بس برضه محدش يعرفلها أي طريق إطلاقا.
وفضل اختفاء أختي تلت أيام وأنا هتجنن ومش عارف هي راحت فين لحد ما جاتلي مكالمة إن دهب أمي في بيت حماتي وفعلا خدت المعلم عكاشة وروحت ولقينا الدهب واتأكدت إن حماتي سبب كبير في اختفاء أختي فضحناها في المنطقة وخدناها على القسم بالڠصب وقولت للظابط إن ده الدهب اللي كان في إيد أختي.
ومسكت مراتي سلمتها للقسم وهناك وقعوهم في بعض واعترفوا إنهم سلطوا واحد من بلطجية المنطقة يخطفها ويسرق منها الدهب ويبقا اتخلصوا منها عشان البيت كله يبقا لمراتي من بعدي وكمان خدوا الدهب وخلصوا من شرها والأدهى من ده كله إن حماتي لما جت صوروها بدون علمها وهي بتستحمى وهددوها يوروني الصور ويقولوا دي بعتت الصور لحد على النت ولازم تسمع كلامهم وتبطل مشاكل وهي من رعبها سكتت وخلوها تلبس الدهب بحجة إنها تتزين قدامهم عشان لما تتخطف مشكش في حاجة وأقول هي اللي كانت بتخرج بالدهب.
وقلبوا المنطقة على الشاب اللي بس كان اختفى تماما وفضل الموضوع ست شهور كاملين لحد ما أختي ظهرت أيوة ظهرت بعد ما الخطة بالكامل اتنفذت وخدنا حقنا وربيناهم.
واحد راح للمعلم وقاله إن فيه كلام إن واحد متسول هيخطف أختي والمعلم واصل وعارف كل العيال دي جاب الواد وعرف إن حماتي ومراتي اللي اتفقوا معاه فقرر يديله فلوس أكتر ويغير الخطة قاله أنت هتقول إنك قټلتها وسرقتها بس مش هتديهم الدهب غير لما أقولك عشان نمسكها بالدهب متلبسة ونقول إنها اللي البنت ونسبها مع الحكومة 6 شهور كاملين
