فكر الشيطان

انا عارفه اني غلطانه بس مش بايدى اعمل ايه والدى ووالدتى اتوفوا واخويا الوحيد سافر هو وزوجته وماكنش امامى فرصه للزواج الا من رجل متزوج ومخلف وأولاده أصغر منى بقليل انا بنت عندى ٢٠ عام لم اكمل تعليمى لظروف المعيشه واخى قبل ان يسافر وافق على العريس ده عشان يسبنى فى ظل راجل واتحوزت منه فعلا ومرت الايام وكانت حياتى مستقره لحد ما كان يقضي معظم وقته مع زوجته الأولى وأولاده وېختلس بعض الوقت ليأتى عندى وكنت عايشه وراضيه ولكن اصابنى الملل فجأه واحسست باحباط شديد وخصوصا ان مرت الشهور ولم يحدث اى انجاب وكنت كلما أحدثه فى الأمر يقول لى مستعجله ليه انا عن نفسي مش فارقه معايا وياستى بكره يحدث حمل كبري دماغك انتى مستعجله ليه وكان يتهرب منى دائما ويرفض الذهاب معى للدكتور وكان يرفض ان اذهب لوحدى ايضا 

وكنت قد استسلمت للامر حتى لا اغضبه فليس لى احد بعده ان ڠضب منى 
ولكن احد جارتي لعبت فى دماغى ان اذهب معها لدكتورة نساء لاكشف واطمئن وعندما قولت لها يمكن ان يغضب منى فهو قد أكد عليا اكثر من مره ان لا اذهب لوحدى للطبيبه قالت لى مش لازم تقولى له هو يعنى هيعرف منين 
وفعلا سمعت كلامها وذهبت للطبيبه بصحبتها وبعد كشف الدكتوره عليا قالت لى انى ليس بي اى شيء وسألتني الم تتناولى اى حبوب منع حمل او اى وسيله أكد لها بلا 
فقالت اذا العيب من زوجك ياريت يجى اكشف عليه يمكن يكون السبب بسيط ويتعالج 
فقولت لها بس هو مخلف يادكتوره دا عند اولاد سنهم قريب منى 
فقالت لى لازم اكشف عليه واقولك المشكله فين 
رجعت للبيت ولما حضر فتحت معه الموضوع مره اخرى ولكنه عاد وقال لى لا طبعا دكتوره ايه دى اللى اروح ليها دا انا مخلف عيال ادك انتى اتجننتى المسأله مسألة وقت ونصيب وماتفتحيش الموضوع ده تانى انا باجى هنا عشان اروق بالى وارتاح مش جى للنكد وسابني ومشي 
جلست مش عارفه اعمل ايه انا زهقت ومليت