سحر الملاك

عم حب مراد اكتر ما كنت قادرة انساه لمراد بسهولة
ومرة كنا طالعين مشوار انا ومؤيد وبعد المشوار بدنا نجيب التحاليل وبالصدفة شفنا رفيقتي هيا وعزمناها تقعد معنا ونحنا وقاعدين اجا تلفون ل مؤيد من الشغل لهيك اعتذر ومشي بسرعة بقينا انا وهيا بالمطعم ...
هيا انتي ليش ما بتحبي ل مؤيد
سارة انتي بتعرفي اني بحب مراد .. لو كان قلبي فاضي اكيد كنت رح حبو لمؤيد بس مشكلتي اني ما عم اقدر طلعو من قلبي وخصوصا اني بشوفو دائما قبالي
هيا مؤيد شب بينحب وما بعرف اذا رح تزعلي اذا بقلك انا عجبني مؤيد
سارة التلك ما بحبو هيا ..انا بتمنى تجي بنت تحبو وتاخدو مني ...بس مشكلتو هو مو قادر يتركني ... هيا بدي انتي تنسيه لمؤيد بدي تحبيه وتكوني معو بترجاكي ما بدي ياه ينكسر او يزعل بيوم من الأيام
هيا بس..
سارة بلا بس بلا شي انتي اذا حبيتيه واتقربتي منو ..وانا بهالفترة ببعد عنو يمكن ينساني ويحبك اكتر مني ..انتي انسانة بتجنني واكيد رح يحبك بس ينساني وانا رح خليه يشغلك عندو سكرتيرة مشان تتقربي منو
خلصنا حكي وطلعنا من المطعم وراحت معي هيا لحتى نجيب التحاليل وانا بحكم اني بعرف بهالقصص لهيك عرفت لحالي نتيجة التحاليل
لما شفت النتيجة صرت اضحك ...اضحك بصوت عالي ..وبنفس الوقت كانت دموعي عم تنزل ...سألتني هيا
هيا شو سارة شبك شو صرلك شو طلع فيها النتيجة
سارة ما فيها شي فقر ډم عادي يعني
هيا وليش عم تضحكي وتبكي بنفس الوقت
سارة يعني ما كان في داعي للخوف فقر ډم عادي ..ودموعي بينزلو وقت بضحك
حسيت هيا ما اقتنعت ...بس ارجعت على البيت وفتت على غرفتي وفجأة اندق باب غرفتي وفتح الباب ابي ودخل لعندي ...
ابو سارة بنتي شو صار بالتحاليل
سارة طلعت وجبتها اليوم وشفتها فقر ډم عادي ..بروح مع الوقت
ابو سارة اكيد ما في شي غير فقر الډم
سارة اي بابا ما تخاف
ابو سارة طيب مؤيد برا ناطرك
طلعت لبرة وانا عم فكر شو رح يصير بمؤيد بعدي و ابي
خبرت مؤيد نفس الحكي وخبرتو عن رفيقتي هيا انو عم تدور على شغل وكنت بعرف انو هو عم يدور على سكرتيرة وحكيتلو عنها اديش محترمة ولطيفة وهو استغرب من وصفي الها كأني عم اوصف عروس
إصراري اني عرف هيا على مؤيد وقربهن من بعض زاد أكتر
وكملت حياتي عم اتمرجح بحب مراد وعم حاول اسعد مؤيد وبعدو عني بنفس الوقت وعم اتقرب من ابي اكتر واختي هيفاء ما عاد اجت لعندي وانا ومراد ما عدنا جاكرنا بعض بس لسا نظراتنا بتفضح يلي جواتنا
كانو عم يقنعو مراد بأنو خلص صار لازم يتزوج بس هو ما كان حاطط ببالو فكرة الزواج هيييك ليوم ما بعرف شو صار واجا عالمشفى ودخل على مكتبو وانا كنت عم رتب الخزنة والإضبارات
قلي وهو عم يحاول يوضحلي مدى سعادتو شو انسة سارة ايمت بدك تبدأي تجهزي حالك
سارة لشو بدي اجهز حالي
مراد مشان تحضري عرسي
لما سمعت كلمتو الأخيرة حسيت تغبيش بعيوني وصرت اسمع صوت صفير ووقعت بالأرض وبعدها ما عاد حسيت بشي
لما فتحت عيوني كنت بالسرير بغرفة خاصة بالمشفى وبإيدي في سيروم وما كان في حدا بالغرفة معي بقيت شي نص ساعة وانا متسطحة وصفنانة بالسقف وعم حاول اتذكر شو يلي وصلني لهي الحالة وفجأة انفتح باب الغرفة بقوة ودخل شخص بالبداية ما كنت قدرانة ميزو مين هاد بس بعدين بين معي انو مراد
كانو عيونو حمر وحالتو حالة قلي بعصبية و الدموع عم تنزل من عيونو
مراد ليش ما خبرتيني ليش ...ليييش خبيتي عني
لك من زمان وانتي هيك ليش ما قلتيلي كنا عالجنا المړض من أولو
سارة خلص مراد بربك ما تزيدها على قلبي كلنا بنعرف انو المۏت اهون من العلاج بهاد المړض
مراديبكي لك انتي ما عم تدمري حالك ...انتي عم تدمريني الي...لك انا بحبك بحبك
سارةتبكي وعرسك يلي خبرتني عنو
مراد لك هاد كزبة كنت عم شوف ردة فعلك
سارة حتى لو كزبة بالنهاية هي الكزبة رح تصير حقيقة وأولها واخرها انت رح تتزوجها
مراد لا سارة لا انا تركت انا ورانيا انا بدي ياكي الك بس
سارة اوعكك كلو الا رانيا ... بترجعلها بدون ما تزعلها ...ليك انا نهايتي هي المۏت بس رانيا موز نبها
مراد هسسس لا تحكي هيك انتي رح تتعالجي ورح تبدي جرعات ورح تشفي ورح اطلبك من ابوكي ونتزوج ونسافر على مكان بعيد
سارة مرااد مرااد بترجاك لا تبني احلام بالهوا
مراد رح تبدي علاج من بكرا وخلص
جهزولي كل مستلزمات العلاج وخبرو ابي يلي زعل كتير وخبرو مؤيد يلي جن جنونو ورفيقتي هيا ما تركتني
كنت مل كتير بالمشفى لهيك طلبت دفتر وقلم وصرت اكتب ...كتبت كل شي صار معي من هداك اليوم لهلأ
اليوم يلي تعرفت فيه على مراد وبدأت فيه احداث حياتي تكبر وتتعقد
السابع
مع العلاج بدأت ملامحي تتغير ...وزني نزل اكتر ..وشعراتي الحلوين بدأو يسقطو
لما حسيت انو كل شعراتي سقطو طلبت مراية حاولو يمنعوني بس أصريت كتير ولما شفت حالي بالمراية كان شكلي غريب وپخوف
فكرت معقول يلي حوليي لسا بحبوني رغم اني انا صرت كره حالي
حسيت ايامي بلشت تخلص وبديت اكتب وصيتي... بدي قول لأبي ما تزعل على غيابي اكتر من 3 أيام وحاول تتذكرني دائما بدعاء وما تخاف رح روح لعند ماما
وبدي قول لمؤيد دير بالك على حالك ولا تزعل على فراقي ووصيتي الك انك تتزوج هيا ...هيا بنت حبابة كتير ومتأكدة مليون المية انها رح تسعدك
مراد انا حبيتك من كل قلبي انت كمان ما تزعل ولازن تتزوج رانيا اذا ما تزوجتو ما رح كون مرتاحة
اختي هيفاء انا مسامحتك على كل شي انتبهي على حالك
وانتي هيا رفيقة عمري ديري بالك على مؤيد اكيد رح تكونو مبسوطين
.........................................................
هيا 
وصيتها كانت اخر شي كتبتو قبل ما ټموت لما فتت لعندها شفتها نايمة متل الملاك وكان دفترها بحضنها والقلم كان واقع بالأرض قربت لعندها ومسكت ايدها كانت باردة متل التلج صړخت بأعلى صوتي ونزلو دموعي شلال..ضميتها وصرت ابكي اكتر
رفيقة عمري ودعتني بعمر الورد ...السړطان اخدها مني
كل عيلتها زعلت وبما فيهن مراد ومؤيد بس انا قرأت وصيتها وخليت كل واحد يقرأ وصيتو بعد تلت ايام من ۏفاتها و لما قرأو هديت نفوسهن وصارو يدعولها اما مؤيد ما تتقبل هالشي وعصب وتركنا وراح
كنت كل يوم روح عند قپرها اسقيه واقرألها قرآن وبيوم اجت اختها هيفاء قلبها ناطف من البكي ارتمت على قپرها وصارت تقلها سامحيني انا ظلمتك يا عمري ...جوزي كشفتو عم يخوني واعترفلي شو عمل معك واخوكي هادي ماټ ماټ قتلوه عصابة مخډرات لانو الو مشاكل معن
انا ضليت لحالي وما بقيلي حدا سامحيني يا عمري يا ريتني انا يلي متت مو انتي
حاولت هديها شوي وفرجيتها وصيتها لحتى راقت وضمتني بس دموعها ما وقفو كنت حاسة فيهن وهن عم ينزلو على كتفي وكانو دموعي عم يقابلوهن
بعد 3 شهور قالتلي امي
اجاكي عرسان حاولت اتمنع بس قالتلي امي انو كتير مناح واكابر
لما طلعت شوف العريس اڼصدمت واتلبكت
كان مؤيد ... وافقت عليه وخطبنا طول فترة معرفتي فيه كان عم يحاول يحبني بس سارة م عم تطلع من بالو وقفت جنبو وخبرتو انو ما بدي ياه ينساها ولا يحبني انا بكفيني اني حبو واسعدو ...اتزوجنا وبعد الزواج حسيت علاقتي معو صارت اقرب وهلأ انا حامل ببنتي سارة
وقصة الملاك الأبيض كتبتها وعرضتها على كاتب سيناريو حب الفكرة وحولها لسيناريو مسلسل وانا قمت بدور البطولة يلي هو دور سارة
النهاية