من نبض الۏجع عشت غرامى
على الاخر حديث الاخوه الاحباء المعتاد
وسكون قلبها يكاد يقفز من بين ضلوعها من شده الفرحه فاخيرا ستنال مرادها وترتبط بمن عشقت منذ عامين في الكتمان ولكنه عنايه الله التي حاوطتها
وجلست تحاكي والدتها كثيرا الى ان مر الوقت ودلفت مكه اليهم واخبروها بذاك الخبر فجرت اليها مسرعه واحتضنتها بسعاده قائله
مبروك يا حبيبتي فرحت لك من كل قلبي الف مبروك يا سكون ربنا يجعله نصيب زين يا قلبي
يعني خلاص هتمشي من اهنه انتي كمان وهبقى لوحدي ما
اقدرش اعيش في الشقة دي من غير وجودك جاري ياسكون بس ربنا العالم اني فرحت لك من كل قلبي فرحة السنين بحالها
جذبتها سكون الى احضانها وتحدثت كي تهدئها
بس يا بت انا ما هسيبكيش واصل ما تعيطيش انا متجوزة جارك الفرق بينا خمس دقايق مشي وكل شويه هتلاقيني نطالك اهنه وبعدين هسيبك تنفردي بالأوضه لوحدك عشان خاطر ما تنزعجيش مني بعد إكده
ثم هتفت سكون فجأه
واه نسيت ابلغ مها اتصل بيها اقول لها عاد عشان تجيب ولادها وتاجي يوم الجمعه من بدري
وامسكت هاتفها وقامت بالاتصال على اختها وما ان اتاها الرد حتى ابلغتها بذاك الخبر السعيد الذي أفرح قلبها وتحدثت بمباركة
الف مبروك يا غاليه الف مبروك يا دكتورة ربنا ينعم عليك بالفرح اخيرا هتفرحي قلبنا وهتتجوزي وهتبقي احلى عروسة في الكون كله وما تقلقيش يوم الجمعة من الصباحيه هاجي لك يا قلبي على عيوني اني والقردين الصغيرن دول
في منزل مها بعد أن أغلقت الهاتف مع أختها استمعت إلي صوت يصعد السلم فخرجت تري من بالخارج ففتحت الباب وإذا بها تراه أمامها أما هو رأى خروجها فحمحم قائلا وهو يضع عيناه أرضا
السلام عليكم كيفك ياأم الغاليين وكيفهم هما كمان
والله عاد لسه متجوزتش ولا اختارت بت الحلال وبتكلمني وإنت مش باصص في عيوني هو أني شكلي مبقاش عاجبك دلوك يابن الحلال
وضع كف يداه أسفل رأسه من الخلف وهو ينظر في نفس الجهة وأجابها وهو يتمتم بصوت خفيض
مش الحكاية يامرت أخوي
مرت أخوك ! جملة تهكمية نطقتها تلك المها بعيون غاضبة وتابعت بامتعاض
أخذ نفسا عميقا ثم زفره بهدوء ونطق بكلمات متعقلة وهو يثبت عيناه داخل عيناي تلك التي حيرته وجعلته يرتكب جرما ماكان يستحق أن يرتكبه يوما من الأيام
أظن إحنا متفقين على إكده من أخر مرة اتكلمنا فيها وكنا حاطين النقط على الحروف ولا ايه عاد يامرت أخوي
اتكأ في نطقه على كلماته الأخيرة وهو قاصدا ذلك كي يجعلها تستفيق وخاصة عندما رأى تلك النظرة التي يحفظها ويفهمها عن ظهر قلب ولكن فوجئ بها تشده من يداه وأدخلته شقتها وأغلقت الباب ووقفت وراه وكل ذلك حدث في بضع ثواني جعلته ذهل من فعلتها فسألها بذهول
صار صدرها يعلو ويهبط وهي تنهج من فعلتها تلك فجسده ضئيل عليها حين جرته من يداه
ولكن هدأت من حالها وتبدلت نظراتها نقيضا واقتربت منه وعلي حين غرة هتف لسانها بوحشة
ياه اتوحشتك قووي قووي ياعامر مكنتش اعرف إني لما أشوفك هضعف أوي إكده وأحس باللهفة اللي اني حاسة بيها دلوك
ضړب كفا بكف فهو عائدا من الخارج وكله تصميم على أن لايجاريها وكما أنه التزم في صلاته واستغفر ربه على فعلته الذنب الكبير معها تلك المرة الوحيدة منذ سنوات ذلك الذنب الذي تهتز له سبع سموات
ثم تحدث وهو عاقدا حاجبه باستغراب لحالتها تلك
لساكي زي مانتي عواطفك غالبة عليكي !
لساكي قلبك وإيمانك ضعيف يامها وبتجري ورا شهواتك فوقي يابت الناس عنديكي ولدين متحمليهمش العاړ وتشيلي ذنبهم ده إنتي روحك فيهم
اقتربت منه وأمسكته من تلابيب قميصه واردفت پغضب عارم وهي تجز على أسنانها
وه كانك مصدق الحديت اللي بتقوله ده !
بقي اني بجري ورا عواطفي وشهواتي !
كانك متعرفش المرار اللي بعيشه كل يوم والتاني مع اخوك اللي معندهوش ذرة إحساس الكلام ده فات أوانه ياعامر ومبقاش له عازة دلوك
كانت تهزه پعنف وهي متأثرة بكلامها اما هو قبض على كفاي يداها بشدة وأجابها
متعلقيش أخطائك على شماعة خايبة ملهاش عاز يامرت أخوي كل اللي بتقوليه ده مبقاش يشغلني ولا بقيت ألتمس لك اي عذر بيه واصل
وتابع كلماته وهو يخفض يداها من على قميصه بحدة خفيفة هو قاصدها كي تستفيق
خلاص الصغير كبر وفهم وأني من سنين قبل ما اسافر من اهنه ساعة ماجيتي لي واشتكيتي لي مر ايامك صدقتك وجريت وراكي بدون ذرة عقل لكن المرة دي كبرت وعرفت اني غلطت بس دلوك مهكررش الغلط ده مرة تانيه واصل مهما يحصل يامرت أخوي
أدمعت عيناها وتحدثت وهي ټضرب بقبضتي يديها على المنضدة
مش بمزاجك
تبديها وبمزاجك تنهيها
ثم أكملت بضعف وهي تنتحب بشدة
أني إنسانة من لحم ودم وبموت إهنه بالحيا مع راجل معندهوش أي ذرة إحساس تجاهي بيهملني بالشهور وبتطلبوا مني أتحمل كيف ياعالم ! حرام والله العظيم
حرام حرام
أحس بضعفها واحتياجها مز قته دموعها ود لو يحتضنها ويخفف عنها ود لو كانت في ظروف غير ذلك أو كانت امرأة غيره ولكن ماباليد حيلة فخفف عنها قائلا
اتكلمي معاه زني على ودانه كتييييييير الحريم مبيغلبوش طالبي بحقوقك مرة واتنين وتلاتة وعشرة ومتمليش لحد مايستجيب متدوريش على طريق وتستسهليه طرق ربنا الحلال كتير يابت الناس
ياه ده انت الحل بالنسبه لك سهل قوي !
ده اني اتحايلت عليه علشان ياخد باله مني ويحافظ عليا بعدد شعر راسي كل يوم والتاني اكلمه مرة باللين ومرة بالشدة ومرة بالخصام ومرة بالاهمال في حقوقه المنزلية ولا حياه لمن تنادي خلاص الصبر زهق من صبري
بهدوء حسم أمرها وردد
خلاص اتطلقي منيه وشوفي حالك طالما مبقاش عنديكي قوة تحمل
ثبتت نظرة عيناها داخل عيناه وتفوهت
وتتجوزني
فتح فمه من كلمتها وتابعت هي
مالك إكده تنحت وفتحت لي بقك على وسعه ولا أني بالنسبة لك رخيصة
أجابها بتصميم
إنتي مرت أخوي يامها
بعيون قوية أردفت
هطلق منيه وهبقي حرة وأحل لك
ربع ساعديه أمام صدره وهتف برفض
مهما كان مهكسرش اخوي مينفعش
اقتربت بخطواتها وتحدثت بنفس التصميم
اخوك ميفرقش معاه اخوة من أبوة من بنوة بارد معندهوش حب غير لحاجة واحدة بس حب المال حب كبير
ابتلع أنفاسه بصعوبة وردد
مهما يكون عمري ماعملها علشان متعلقيش نفسك بوهم كداب
لفت بجسدها من أمامه ووقفت بمحازاة كتفه ورددت
مهتعرفش تحب غيري ولا واحدة هتسعدك غيري ياعامر
بنفس لفتتها تحرك ووقف بمحازاة كتفها الاخر مرددا پضياع من تأثيرها عليه
مين قال لك إكده كنتي بتتحكمي في القلوب عاد ووليتي حالك أمر ربنا وبقيتي بتعرفي تقلبي القلوب علي كيفك
أمسكته من كتفيه
________________________________________
بقوة في حركة جريئة منها وهتفت بقوة
لا ماهوليش حالي ولا حاجة بس قلبك مفاتيحه بإيدي أني اللي ربيته وأني اللي علمته كيف يحب وأني بس اللي أقدر أتحكم فيه مش أي مرة تانية
نزع يداها من على كتفيه وأردف متمنعا
لااا كان زمان يامها بس دلوك أنا أبعد لك من نجوم السما
جزت على أسنانها پغضب من عنده وتمرده عليها ورددت
نجوم السما مبقتش بعيدة ولا حاجة بيوصلو لها وبيعيشوا جواها وبيكتشفوا كتيير وكتيير من أمورها المخفية بحبة قوة وصبر وطاقة بسيطة
أعلن وجهه عن غضبه الجم من كلماتها وأردف بتصميم
خلاص لحد يوم الدين والقيامة تقوم يابت الناس مهعرفكيش ولا هبص لك حتي
بصوت عالي وبنفس غضبه
مش هتقدر ومش هسيبك لواحدة غيري تتهني وياك وأنا اللي علمتك ألف باء في الحب والعشق
رفع حاجبه وردد بثقة
الأيام بيننا وهنشوف مين الغالب ومين المغلوب بس قبل أي شئ فكري في المتعلقين برقبتك هيضرك خسارتهم إنتي مش أنا وهتبكي بدل الدموع د م يابت الناس
جحظت عيناها من تهديده الغير صريح وهتفت بفك يهتز بسخرية
إنت بتهددني إياك ! طيب يمين الله على كل لحظة حب اديتهالك ماههنيك على أي حاجة تعملها في طريقك اللي بعيد عني
أخرجته عن شعوره وهدر بها بحدة وهو يمسكها من ذراعها ويهزها پعنف
إنتي إيه شيطان رجيم يابني آدمة إنتي! إزاي تبقي بالأڈى ده ومشفتكيش على حقيقتك طول السنين دي
وتابع حديثه بټهديد صريح
طيب يمين على يمينك ياقليلة الحيا إنتي لو مبعدتيش عن طريقي لا ههد المعبد على دماغك قبلي ومش بس إكده هخلي قنا كلياتها ملهاش حديت غير عنك ياأم الولاد اني معنديش حاجة أخاف عليها ولا عيل ولا حد أخاف عليه أنا قلت لك أها بعدي عني أحسن لك وإلا اللي هيحصل هيد مرك قبلي
ألقى كلماته اللاذعة ونفضها بحدة جعلتها سقطت أرضا وهي تتوجع پألم من أثر سقوطها ثم غادر المكان صاڤعا الباب خلفه بحدة
أما هي دفنت رأسها بين يديها تتأوه جراح الروح وتبكي بدون صوت وكأن البكاء يعزف ألحانه بهدوء صامت يدمي قلبها
مع شروق شمس يوم جديد فعند شروق الشمس وحلول الصباح تتفتح قلوبنا كما تفعل الأزهار في الحقول وتبدأ أمنياتنا كالعصافير ترفرف باحثة عن سبيل لتحقيقها
ما أجمل أن نراقب الشمس عند حلول الصباح فهي لا تنعكس على مرآة عيوننا فقط بل على مرآة القلب فنشعر أن القلب ذاته يشرق مع حركة الشمس
إن شروق الشمس في الصباح الباكر هي لحظة يجب على كل منا أن لا يفوتها ولا يسمح لها بأن تضيع دون أن يكون حاضرا وشاهدا عليها
فتعلمنا الشمس مع إشراقتها في كل صباح أن النور لا بد أن ينتصر وأن لكل ظلام نهاية مهما طال أو استمر
تهبط رحمة الأدراج وهي في كامل اناقتها بنشاط وجدية فاليوم ستحضر محاضراتها ثم تذهب إلي المكتب كي تباشر عملها فمنذ ثلاثة أيام لم تذهب وذلك للعطلة الرسمية
ماإن رأتها والدتها
متعجلة حتي مطت شفتيها بامتعاض وأردفت
وه السنيورة متلهوجة إكده ليه هو معاد
