بناتي التوأم
شرين
شرين
وفي الوقت ده راحت شرين عند اختها
اللي كانت عامله
نفسها والده وجابت بنتين تؤام وعماله تلاعب فيهم وفرحانة بيهم وقالت لشرين
دينا
البنتين زي القمر ياشرين انا مش عارفه اقولك ايه بصراحة
شرين
بقولك ايه انتي لازم تختفي اليومين دول قولي لجوزك ياخدك وتروحو اي مكان بعيد كده
دينا
على فكرة بقا حماتك متعرفش حاجة عننا وبعدين قولي لها اني خلفت تؤام انا كمان واكيد هي مش هتتكلم يعني
خلاص يبقا هاقول لها كده بس كمان شهر كده وانا هاقول لهم انك لسه والده ماشي
دينا
ماشي يا اختي ياحبيبتي انتي ربنا مايحرمني منك ابدا
وعدت الايام وانا حزينة على بناتي اللي راحو مني وانا ملحقتش اشوفهم وافرح بيهم ورجع عماد من السفر وقالي
عماد
معلش ياحبيبتي متزعليش ربنا يعوض علينا أن شاء الله بغيرهم ياهيام انتي لسه صغيرة وممكن تخلفي تاني
انا عايزة اروح أزور قبرهم ياعماد اللي امك حتى مش عايزاني اعرف مكانه ده
عماد
وهي امي ليه بس مش هتبقا عايزاكي تعرفي مكانهم هي هتستفاد ايه يعني
هيام
عشان امك مكنتش عايزة البنات دي ياعماد انا حاسه انها هي اللي عملت فيهم حاجة انت تدور على اللي حصل لهم وتعرف الحقيقه ياعماد ارجوك انا قلبي وجعني على بناتي
عماد
فضلت اسرخ واقوله
عشان هي مكانتش عايزة البنات كانت عايزة الولد افهم ياعمااااد افهم ارجوك
عماد
اهدي ياهيام اهدي مش كده انتي لسه خارجة من قيصرية وغلط العصبيه عليكي ياحبيبتي مش كده
هيام
قلبي وجعني على بناتي اااه ياني انت متسافرش تاني وخليك معايا وحياتي عندك تخليك جنبي انا محتاجة لك ياعماد
حاضر ياحبيبتي انا هطول الاجازة بتاعتي شوية كمان عشان خاطرك ممكن بقا ترتاحي خودي الدوا بتاعك وارتاحي
وبعدها نمت وعماد نزل لامه وقال لها
عماد
ايه الكلام اللي هيام بتقوله ده ياما انتي فعلا مكنتيش عايزة البنات وقولتي لها انك مش بتحبي البنات هو انا بناتي راحو ازاى يا أمي
الام
وانا اش عرفني ياعماد ما أنا قولت لك يابني انهم كانو تعبانين لما اتولودو وراحو علطول والدكتور عندك روح اساله عن اللي حصل ااه ياني يلي مظلومة مع ابني ياني اللي بيصدق مراتة ويكدبني ياني
يا أمي أنا ولا صدقتها ولا كدبت ولا حاجة انا بس نفسي ارتاح وهيام كمان عايزة تطمن وقلبها يرتاح
الام
ارتاح انت ومراتك ياعماد ارتاح يابني وبكرة ربنا يعوض عليك انت وهي وتخلفو احسن منهم
عماد
والله لو طلع كلام هيام صح كلامي هيكون
معاكي كبير اوي
الحما
هو فيه اي ي واد من أمتي وانت بتكلم امك
كده في عيال ابني
عماد
اه علشان عارف ومتأكد
كويس اوي انتي قد اي
مس بتحبي البنات ومش كنتي
عايزه بنات
الحما
بس عندي قلب يا قلب امك
وعمري ما اعمل حاجه في عيال ابني انت
فاهم ولا لا
وعند دينا حماتها كانت عندها وقالت لها
الحما
جسمك
يبوظ ولا ايه
لازم العيال يشبعوا من حنانك ولا انتي شايفه اي
دينا
هاه لا ياحماتي ايه الكلام ده اصل هما اللي مرضوش يرضعو مني والدكتور قالي مفيهاش مشكلة ويرضعو لبن صناعي عادي جدا
الحما
وهو الصناعي ده بيغذي العيال ده بيجيب الأمراض وبس وانت موافق على الكلام ده يا أمير انت بيتك هيتخرب في اللبن يابني
أمير
طيب هنعمل ايه بس يا أمي هما نصيبهم كده وربنا يسترها عليهم وان شاء الله بكرة يكبروا ويبقو احلى بنات في الدنيا كلها
الحما
طيب ياحبيبي براحتك انت والشملولة انا نازله شقتي مش عايز مني حاجة
دينا
عايزين سلامتك ياحماتي ما انتي قاعده شوية
