قطة في وادي الذئاب

التصرف فيها بكل ارادتك
أكملت ميرا حديثه مؤكدة
_ و انا هساعدك تغيرى من نفسك بالكامل و تخفى اى دليل يبين انك زينة كمان هعلمك ازاى تتصرفى فى عالم الأعمال ده
هتفت باستهجان
_ انتو اتجنيتوا! عايزيني ادخل مع رجال الأعمال و كله عشان انتجم منهم ده اى الدوامة دى!
اجابتها ميرا بخفوت
_ مضطرة يا زينة ما أخذ بالقوة لا يسترد إلا بالقوة و ما أخذ بالخېانة لا يسترد إلا بالخېانة
تنهدت زينة و هى تنقل بصرها المخفض يمينا و يسارا تحاول التفكير بتبعات ما ستقدم عليه من أمر هو أشد خطۏرة من عودتها إلى ديارها حيث تعود ببصرها إليهما قائلة بتهكم
_ و اى المجابل لكل ده! اوعى تجولوا هتعملوه لله!
أغمضت ميرا عينيها بنفاذ صبر ليجيب عمار بسرعة
_ هتفضلى ف بيت ميرا لحد ما يبقى لك بيت لوحدك و تمسكى الشركة بتاعتى و عليكي أول ما تقفى على رجلك تسددي كل حاجة
الفصل السابع عشر
_ سمعت انك هتخطب مبروك يا ولدى
نطق بها ناصر و هو يريح ظهره على كرسى مكتبه بينما يمسك بهاتفه الملامس لأذنه حيث يأتيه رد أشرف مجاملا
_ الله يبارك فيك يا عمي
استطرد ناصر بنبرة يملؤها الشك
_ بس ما جلتليش انك بتدور على عروسة يعنى!
مط شفتيه پغضب مكتوم فهو يعلم جيدا أنه سيسأل بهذا الشأن ليردف بهدوء
_ فضلت ييجى سنة من بعد الطلاق و انا مترهبن عن كل الستات بس لقيت ان العمر بيعدي و كل الثروة دى مالهاش وريث عشان كدة وافقت اتجوز تاني
أجابه ناصر مؤيدا
_ ده الصوح يا ولدي ربنا معاك
غير أشرف مجرى الحديث متسائلا
_ إلا قولى صحيح حسنى لقى زينة
زفر ناصر بحزن قبل ان يقول مع غصة علقت بحلقه
_ حسنى اتجتل يا ولدي
جحظت عينا أشرف و انفغر فاهه بعد ما وصل إلى مسمعه توا حيث يقول مستنكرا
_ إنت بتقول اى حسنى ماټ!
قال ناصر بنبرة واجمة
_ إيوة بجاله شهور و جاسم لحد دلوك بيفكر يبعت حد من عيال عمها عشان يلاجيها بس مستنى يفض الطار الاول
تشدق أشرف بحزن مصطنع
_ البقاء لله ربنا يرحمه
دلفت ميرا إلى داخل الغرفة و بيدها صينية كوب من عصير البرتقال تقول بمرح
_ أخبار التمرين....
توقفت عن الاسترسال ما ان وقعت عيناها على زينة المستلقية أرضا بتعب و قد توقفت عن التمرين وضعت الصينية على الكومود و هى تقول باستنكار
_ مش معقولة يا زينة! سايبة البرنامج شغال و مابتتمرنيش ليه!
نهضت زينة حتى صارت جالسة و هى تستند على الأرض بباطن كفها قائلة بشكوى
_ مش جادرة يا ميرا تمرين الضغط ده صعب جوي جوي
جلست ميرا بجانبها أرضا و هى تقول نافية
_ لأ مش جوي جوي اسمها اوى اوى قولى اوى كدة
امتثلت لأمرها ثم بدأت فى الضغط على أسنانها و هى تنطق للمرة الأولى كلمة من ثلاث حروف بلهجة أخرى متلعثمة
_ أ أوى
صفقت ميرا بيديها عاليا و هى تقول بإعجاب
_ شطووورة يبقى من هنا و رايح نغير الحروف خااالص عشان هتتكلمى بلغة القاهرة
_ و اى لازمة ده!
اجابتها ببساطة
_ لإنه لازم يحسوا إنك زيهم ف كل حاجة لو طلعتى لهجتك الصعيدية دي هيفتروكى بنت بسيطة سهل يتضحك عليكي تمام
_ تمام
همت ميرا لتقف و هى تقول آمرة
_ كويس أوى كفاية كدة تمرين و جهزي نفسك عشان هنعمل شوبينج و تشتري لبس جديد تروحي بيه الشركة
و بالفعل امتثلت زينة للذهاب إلى مركز التسوق حيث فكرة التبضع لشراء ملابس جديدة هي حتما فكرة ممتازة خاصة و قد مضت عقد امتلاك شركة العقارات بالأمس مع عمار الذى نفذ اتفاقه دون مماطلة تشعر بالغرابة لكونهما يعاملانها بهذه الطريقة الودودة و كثيرا ما يساورها الشك بكون هناك مصلحة وراء ما يجرى إلا أن عقلها كثيرا ما يطمئنها حيث لم تعد تملك شيئا آخر يستحق الخسارة فما أصعب من الذهاب إلى دارها و المۏت بسلاح أخيها القاسې لا و ألف لا بل عليها المحاربة لآخر أنفاسها لاستعادة حقوقها المسلوبة قسرا و بينما تسير خلف ميرا التي تتجه نحو قسم السيدات اصطدمت بامرأة تمسك حقيبتين من الملابس فأوقعتهم هتفت زينة بسرعة
_ أنى آسفة جوي جوي
التفتت إليها السيدة محدقة فيها من رأسها إلى أخمص قدميها ثم زمجرت پغضب
_ أى اللى انتى عملتيه ده يا حيوانة
خفتت نبرتها و هى تقول معتذرة
_ جلت آسفة
توقفت ميرا للحظات ما ان جذب انتباهها صوت صړاخ السيدة هناك لتستدير كي تطمئن على زينة و لكن سرعان ما تتسع عيناها ما ان ترى زينة التى تنكس برأسها أمام تلك المتعالية على مرأى المركز كله هرولت نحوهما بخطى متسارعة كي تجذب ذراع زينة و تقف أمامها هادرة پغضب
_ خلاص يا هانم قالت آسفة عايزة اى تاني!
شدت زينة على رداء ميرا مختبئة خلفها و هى تكبح عبراتها عن الخروج بينما تكمل السيدة و هى تنظر إلى الملابس الواقعة أرضا باحتجاج
_ إنتى عارفة الهدوم اللى وقعتها تسوى كام
ماثلتها ميرا تقول مھددة
_ و عارفة إنتى لو ما سكتيش هخليكي تسوي كام
لحقتهم مديرة المركز التى قالت بسرعة
_ خلاص يا جماعة معلش فضوا خناق شيلى الحاجات اللى عالارض و بدليهم يا رنا
ثم التفتت إلى ميرا قائلة
_ اتفضلى جوة يا هانم
حدجتها ميرا بنظرات بركانية قبل ان تمسك بكف زينة و تجرها خلفها نحو ركن السيدات و هناك ابتاعوا أكثر من عشرين نوعا من التصميمات المختلفة الألوان و الخامات منها ما هو مغلق و منها ما هو مفتوح بعض الشئ بما يتطلبه لزي سيدة أعمال مستقبلية شأن زينة
و لم يتوقف الأمر بالنسبة إلى الشراء و تجربة التعامل مع العالم الخارجى و إنما كان الجزء الأصعب حينما بدأت بتجربة هذه الأزياء الجديدة حيث لا تحسن ارتداء الملابس الحديثة على النحو الصحيح كما فقدت توازنها و وقعت أرضا لعدد لا يحصى من المرات و هى تحاول تجربة المشى بالأحذية ذات الكعب العالى
_ اى يا زينة اللى بتعمليه ده! ماشية متوترة كدة ليه
قالتها ميرا بنبرة مستهجنة بينما جلست زينة أرضا ثم أخذت تنزع الحذاء البنى عن قدمها و هى تقول بضجر
_ خلاص تعبت بجالى عشرين 20 مرة مش نافع سيبنا من الكعب ده
ردعتها ميرا بإمساك يدها و هى تقول بإصرار
_ أن شالله تجربي مية 100 مرة المهم تعرفى تمشى مش هسيبك الا اما تتعلمي
تنهدت زينة و هى تقول بتعب
_ ده باين له مرار طافح
_ ده اسمه آيلاينر
_ آيراينر!
أغمضت ميرا عينيها للحظات قبل ان تحدق بزينة ثم تعاود قولها
_ آيلاينر يا ماما آيلاينر
قالت زينة بتساؤل
_ و ده بيعمل اى ده
_ انطقي إسمه عدل الأول بعد كدة أقولك تستخدميه إزاى
ما لبثت أن أنهت كلمتها حتى سمعت طرقات الباب لتلتفت إليه ثم تقول آمرة
_ أفتح
دلفت الخادمة بعدما فتحت الباب و هى تقول بتهذيب
_ البنات وصلوا يا هانم
_ دخليهم
قالتها ميرا بهدوء بينما ترمقها زينة بدهشة ما ان عادت تلتفت إليها حتى قالت باستنكار
_ بتبصيلي كدة ليه
أجابت سؤالها بسؤال
_ بنات مين دول
_ هتعرفي دلوقتي
افسحت الخادمة المجال