قطة في وادي الذئاب

الجنينة و بيتكلموا لوحدهم
شهقت مها بخفة بينما نطقت رزان و هى تكز على أسنانها بغيظ
_ و مش كدة و بس لأ كمان الأبلة بتطلب ان الجبس يتفك فى البيت عشان خاېفة لاحسن اخوها يلاحظها
ثم صړخت تقول باستهجان
_ بقى بذمتك مش ده معناه إنها بتستدرجه عشان تفضل جوة البيت علطول ولا لأ!
تنهدت مها بامتعاض بعدما روت رزان و ما حكت من تفاصيل تسبب فوران الډم بالعروق حكت ذقنها محاولة التفكير بمخرج لهذه المشكلة التى أقحموا فيها دون حل بديل بينما أردفت رزان بنبرة ڼارية متوعدة
_ كلها كام يوم و هطرد البت دى من البيت زى الكلاب و يارب أكمل يعارض
تحدثت مها أخيرا و هى تقول باقتضاب
_ و ليه تطرديها
ضيقت رزان حدقتيها و هى تنظر إلى مها بتعجب قبل ان تردف ببهوت
_ مش فاهمة قصدك
انتفضت عن الكرسى واقفة و كأنما أصابتها صعقة كهربية حيث تنظر إلى مها التى لا تزال جالسة قائلة باستهجان
_ انتى جرى حاجة لعقلك يا مها! بقولك بغير منها و مابطيقهاش تقوليلى اخليه يتجوزها! انتى أكيد اتجننتى!
لم تهتز لها شعرة او تتغير بها معالم و إنما ظلت على نفس الدرجة من البرود و الثقة مما جعل رزان ټنفجر بها غاضبة
_ ابعدين انا بغير على جوزى جدا و ماستحملش واحدة تكلمه و انتى بتتكلمى بكل برود كدة ليه فى اى يا مها
وقفت عن الكرسى و هى ترمق رزان بنظرة هادئة قبل ان تقول مبررة
_ لأن لو ماحصلش كدة و طردتيها أكمل هيدور عليها و يتجوزها و ساعتها تبقى لا طلتى حب جوزك ولا تخلصى منها
تشدقت رزان بثقة
_ أكمل بيحبنى و مستحيل يعمل كدة
بدأت مها فى إلقاء سوطها الأول قائلة بمكر
_ بس لما يرتبط الموضوع بوريث العيلة يبقى ساعتها ممكن يرجع يفكر فى الحب ده و مش شرط ساعتها انه يحب زينة بس زى ما تقولى هتبقى نزوة حلوة ف حياته و ما شاء الله حملت بشهرين جواز من جوزها الاولانى يعنى هتجيب له الولد اللى ھيموت عليه زى ما حاول مع المسكينة سيرينا
حدجتها رزان بنظرة عاصفة تقضى على الأخضر و اليابس حيث تقول محذرة
_ ماتختبريش صبرى يا مها انتى عارفة كويس اوى لو أكمل رجع يعمل كدة انا ممكن أعمل اى
بدأت مها فى التجول بفراغ الغرفة بخطوات بطيئة فى دائرة حول رزان التى كانت تدور عيناها معها بحيرة حيث تلقى سوطها الثانى قائلة بخبث و بنفس النبرة الجليدية
_ و ده بالظبط اللى يخليكى تتصرفى بذكاء و تسبقيه بخطوة قبل ما تكتشفى إنها جابت له الولد خلاص و يكتب أملاكه باسمها
ثم حدقت فيها بنصف عين و هى تقول بنبرة كالثعلب فى مكرها
_ ابعدين دى جايالك على طبق من دهب يعنى هى مقطوعة من شجرة مالهاش حد يعنى ورقة عرفى تخلص الموضوع بكل سهولة إلى جانب ان اخوها بيدور عليها ف كل حتة يعنى سهل جدا بعد ما تاخدى الولد ترميها و سيبى الباقى عليه و حلال عليكى انتى و أكمل البيبى
توقفت للحظات كى تستشف ردة فعل رزان و التى بدا عليها الاقتناع بما سمعت توا حيث تحك ذقنها محاولة حساب التحذيرات بكل الأبعاد الممكنة ثم ترفع سبابتها قائلة بحيرة
_ بس بنت زى دى حويطة و ممكن تقول على سنة الله و رسوله
زمت مها شفتيها بسخرية و هى تقول ببساطة
_ و فيها اى يعنى خليها رسمى عشان حتى هى من جواها تبقى مرتاحة و ساعتها مش هتلحق تثبت أى حاجة لإن اخوها هيلحق ېقتلها و كمان استغلى فكرة انها مش هتقدر تخرج عشان خاېفة من إنها تولد فى البيت مش مستشفى تقدر تقف بورق ولادتها قصادنا ولا اى!
التمعت عينا رزان بخبث قبل ان تلتفت إلى مها قائلة بإعجاب
_ أما فكرة هايلة
_ ناقص بقى نقنعهم هما الاتنين
قالت رزان بتأكيد
_ سيبيلى أكمل و امسكى انتى زينة
فى اليوم التالى دلفت إلى الغرفة بعدما طرقت بابها و حصلت إلى إذن للدخول مبتدئة كلامها قائلة بشاشة
_ مساء الفل
نظرت إليها فاطمة بابتسامة و هى تقول بود
_ مساء النور يا أبلة
كادت أن تبصق غصة بحلقها بعدما وصل ڠضبها إلى الغليان حيث تقول فى نفسها بضيق
_ أبلة ف عينك
ثم سرعان ما أظهرت ابتسامتها المصطنعة المجاملة قائلة و هى تنظر إلى ذراعها المطلق سراحه توا
_ عامل اى دراعك دلوقتى
تلمست فاطمة ذراعها بخفة قبل ان تقول
_ كويس بس خاېفة احركه
اقتربت منها مها حتى جلست بجانبها و أمسكت بذراعها بخفة و هى تقول
_ لا ماتخافيش ده ف الأول بس بعد كدة هتعدى
ثم أخذت تحركه يمينا و يسارا و للأعلى و الأسفل ببطء و زينة تراقب دون كلام حتى وجدتها مها فرصة مناسبة حتى تفتح الطريق لخطتها بقولها
_ قوليلى يا زينة إنتى بعد كدة ناوية تعملى اى
سرعان ما انقلبت معالم زينة رأسا على عقب حيث تمط شفتيها بحزن و هى تقول بحيرة
_ و الله مانى عارفة هشوفلى مكان اتتاوى فيه و خلاص
تشدقت مها بنبرة ذات مغزى
_ و اى رأيك تفضلى معانا علطول
قطبت زينة بين حاجبيها حيث تلتفت إلى مها قائلة بدهشة
_ جصدك اى يا أبلة أجعد معاكم كيف و بصلة ايه
_ اتجوزها! انتى بتقولى اى يا رزان
صړخ بها أكمل باستنكار متكالب مع الصدمة بينما تتحدث رزان بنبرة محبة مستكينة عكس الصخب المعتمل بصدرها
_ ده أسلم حل عشان تجيب الوريث اللى ياخد اسمنا بعد كدة
زم شفتيه قائلا بسخرية
_ اسمنا أمال زينة هتروح فين
تناولت شهيقا عميقا زفرته بحرارة و قد بدأت الډماء تحتقن بعروقها حيث تقول بامتعاض
_ هتتجوزها و أول ما تولد ترميها بقرشين و خلاص
وقف عن الكرسى بسرعة و قد كور قبضة بيده ڠضبا حيث يهدر مستهجنا
_ و ليه يتضحك عليها بالشكل ده يا أستاذة انتى بتستهبلى ترضى يحصل كدة معاكى
نطقت رزان بثقة يعلوها الاستنكار
_ إنت جاى تساوى واحدة أخوها بيدور عليها عشان يغسل عارها بيا أنا!
ثم أشارت بسبابتها نحو صدره قائلة باقتضاب
_ بالنسبة لى و انت عارف انى بغير اوى اوى ممكن اسمح انها تفضل معاك بس المشكلة الكبيرة ان سمعتك ساعتها هتروح فى الحضيض خاصة و أن جوزها ده رجل أعمال و ممكن يطلع يعرفك قوم يبتزك بصور مراتك اللى هي بقيت من شرفك دلوقتى ولا يلاقيها أخوها قوم يقتلك انت و هى مع بعض!
قربت فمها من أذن زينة التى امتقع وجهها و اكتسى بمعالم الحيرة حيث تهمس بتأكيد
_ و بعدين إنتى خلاص ماعادش ليكى مكان بين عيلتك و ربنا حب يعوضك بعيلة تانية تحتويكى و تحافظ عليكى و الولد اللى راح منك بسبب الحاډثة اياها هييجى تانى ان شاء الله
تحدثت زينة بقلق
_ طب و اى جول أبلة رزان على اللى بتجوليه ده
قالت مها ببساطة
_ يا حبيبتى رزان هى اللى باعتانى ليكى أبلغك بنفسى هى شافت إنك بنوتة طيبة و تستحقى تجيبى ولد يحمل اسم عيلة السمرى و يا ستى هتتقسم بينكم الليالى