أميرة الجمال

تحتضن باسل بقوة وهى تضحك من الفرح وهو الآخر بالمثل
تطلع عمر الى هذا المشهد بمئات من علامات الاستفهام
لو لم يكن يعلم بعلاقة باسل وريحانة لكان يجزم فى تلك اللحظة ان ما يراه ليس مشهد عناق اخوى بل هو مشهد غرامى بين ابطال احد الافلام الرومانسية
عمر ببلاهة ودا اسمه ايه ان شاء الله !!!
تدارك الاثنان وجود عمر
فحمحما بحرج
باسل مالك فى ايه ما انا اوبن مايند وبحضن وببوس عادى
نيرمين اه ي عمر عادى
يلا ي شباب بقي انا همشى عشان بصراحة الشمس كلت دماغى
عمر بقولك استنى هشوفك فالديسكو بالليل عشان نحتفل بالكابتن دا
انفرجت شفتاها لا اراديا اكيد معقول افوت مناسبة زى دى
تركتهم ورحلت بقي باسل يتطلع فى أثرها حتى رحلت وافاق على صوت عمر
على فكرة لو مكنتش متأكد من علاقتك انت وريحانة كنت شكيت فيكو بعد حضڼ المطارات دا
باسل مين ...!!....نيرمين ..انت باينها الشمس لحسن دماغك يعمر
يلا عشان نتغدا انا واقع من الجوع وبصراحة حاسس انى اقدر أكل خروف دلوقتى
منحه عمر غمزة خفيفة حقك يعم مين ادك ...الناجح يرفع ايده برضو
........
بصعوبة بالغة استطاعت الوصول الى الجامعة
ودخلت خلسة من الباب كانت المحاضرة انتهت منذ ربع ساعة تلفتت حولها لتجد صديقتها يارا تجلس على السلم وتتأفأف بضيق وما ان لمحت ريحانة حتى هرولت اليها پغضب
حرام عليكى ي شيخة بقي انا تعبانة وھموت واروح ومش عارفة اخرج كل دا عشان عم محسن ميشوفنيش
ريحانة وهى تلتقط انفاسها التى انقطعت من شدة الجرى انا اسفة والله بس مش قادرة ..انا جريت كتير النهاردة
يارا على فكرة انا زهقت كتير من انى انصحك
ي ريحانة اسمعينى عمو زين لو عرف مش هيرحمك دا غير انو حرام ربنا سبحانه وتعالى قال ولا متخذات اخدان يعنى حتى الصداقة بين ولد وبنت الاسلام مش بعترف بيها
ما بالك علاقة حب وغراميات
انت من ساعة ما تعرفتى عليه بقيتى تعملى حاجات كتير غلط ...بتكدبي وتهربي وتلاوعى مش دى ابدا ريحانة عشرة عمرى ...
ريحانة بحزن يارا ارجوكى مش هتبقي انت والزمن عليا ...
انا من يوم مۏت ماما وانا عايشة لوحدى لولا دادا سعاد كان يتقال عليا فعلا مقطوعة من شجرة
ميغركيش فلوس بابا صحيح انا معايا كل اللى بطلبه بس انا عايزة حنانه هو مش بيشوفنى خالص غير عالسفرة
كل هامه انه يفضل حابسنى فسجن وخلاص
محدش حنين عليا غير باسل وبعدين والله صدقينى ي يارا هو هيجى يتقدملى هو وعدنى
يارا بحب انا مش بهاجمك ي حبيببتى انتى عارفة معنديش صحاب غيرك انا بس خاېفة عليكى ومش عايزاكى تضيعى
ريحانة بكرة اثبتلك ان باسل مش زى ما انتو فاكرين ...يلا عشان اخلى عمو محسن يوصلك
........
وفى شقة نائية
تجلس سيدة وبيدها مصحف كبيرة وترتدى نظارة لتساعدها على الرؤية ...هى برغم كبر سنها لا تزال مهتمة بقراءة وردها اليومى...كل ما حدث فى حياتها توقن انه ابتلاء من الله واشياء مرتب لها الحدوث ....كان المفترض ان تسمح لهالة الحقد والاڼتقام ان تبتلعها هى الآخرى ولكن يشهد الله ان ليس فى قلبها ذرة حقد عليه برغم انه كان احد الاسباب الرئيسية لما حدث
لم تنسى ربها وستتمسك به حتى لا ينساها هى واولادها تمسكا بقوله تعالى نسوا الله فنسيهم
تدعوا الله كل يوم ان يرد ابناؤها عن فكرة الاڼتقام التى استوطنت عقولهم يكفيها خسائر حتى الآن
دخل عليها وهو يلقي السلام حتى تنتبه لوجوده
اغلقت المصحف ووضعته بجانبه وردت عليه السلام فى هدوء
جلس على كرسى قبالها وتناول كف يدها يقبله فى حنو
عاملة ايه ي أمى
فالنعمة يبنى والحمد لله ...انت مش بتجيلى ليه انت واختك خلاص نسيتو امكو
لا ي أمى متقوليش كدة والله انا بعمل انا واختى عشان نجيب حقك انتى وابويا من اللى اتسبب فمۏته
صړخت به والدموع تنزل من عيونها افهم بقي دا قضاء ربنا
صړخ هو الآخر ...لا هو السبب مش هبقي طيب واخد على دماغى زى ابويا...هاخد حقو منو ...هنتقم واخلى عيشتو چحيم وهو عايش ...هوريه الۏجع فاغلى حاجة عندو...بنته
............
وصلت ريحانة الى الفيلا وصعدت الى غرفتها تأخذ حمام دافئ تزيل عن جسدها تعب اليوم
خرجت من الحمام وهى تجفف شعرها
سمعت طرق على باب غرفتها وبدون ان تسأل عن هوية الطارق اذنت بالدخول فهى تعرف انها دادا سعاد
سعاداي ي نور عيني مش سامعانى بخبط بقالى كتير
ريحانة وهى تمشط شعرها مسمعتش والله ي دادة كنت باخد شاور وهنام.
سعاد لا تنامى ايه انتى لسة متعشتيش وبعدين انت شكلك مكلتيش حاجة من الصبح
ريحانة اه والله ي دادة بس مرهقة اووى مش قادرة لازم انام
توترت سعاد وهى تعرف انها ستثور اثر هذا الخبر لا ي حببتى هو كدا كدا مش هتعرفي تنامى زين بيه طالب تنزلى تحت عالعشا
ريحانة بلامبالاة قوليلو نامت مش هتفرق معاه
سعاد لا دا هو معاه شريكه تحت وقالى لازم تنزلى وحتى لو نايمة صحيها
قذت ريحانة المشط من يدها پغضب يعنى ايه حتى لو