عشق تحت إشراف طبي

زمان مشوفتكش من وقت ما روان كانت بتتعالج في المستشفي بتاعتك
أيوب بإحترام ..أهلا بحضرتك من فضلك ممكن أتكلم معاكي شويه
الجده باستغراب ..أكيد يا ابني اتفضل في أوضة الضيوف وبعدين وجهت كلامها لروان اللي باصه لأيوب پغضب من تجاهله ليها ..روان اعملي فنجان قهوة بسرعة لدكتور أيوب
أيوب اتكلم بمكر ..ياريت يا دكتوره يكون نسكافيه مش قهوة انتي عارفه بقى أنا بحب النسكافيه قد ايه
روان اتنفست پغضب ومردتش وراحت للمطبخ 
والجده وأيوب قعدوا في أوضة الضيوف
الجده موجهه كلامها لأيوب .. خير يا ابني كنت عايز تقولي ايه 
أيوب أخد نفس عميق وفجر القنبله ..
أنا عايز أتجوز روان وطالب ايدها من حضرتك !!
بعد ربع ساعة روان دخلت الأوضه وفي ايديها النسكافيه بتاع أيوب حطته علي الترابيزه قدامه ولسه هتخرج الجده وقفتها وقالت ..
استني يا روان مش عايزه تعرفي دكتور أيوب جاي وعايز ايه دكتور أيوب طالب ايدك مني وأنا موافقه
روان بصت لأيوب پصدمة وذهول دام لثواني قبل ما تتكلم پغضب وإنفعال .. وأنا مش موافقه !
أيوب وقف ووجه كلامه للجده .. من فضلك يا تيته 
ممكن تسمحيلي أتكلم مع روان خمس دقايق
الجده قامت واتكلمت بهدوء .. ممكن يا ابني عن اذنكم 
الجده خرجت وسابت الباب مفتوح
عند أيوب وروان 
أيوب قعد بهدوء ووجه كلامه لروان اللي موجهه نظراتها ناحيته پغضب ممزوج بخجل فطري لموقف 
زي ده
أيوب ..ممكن تقعدي ونتكلم شويه
روان بلعت ريقها بتوتر وقعدت وعيونها علي الأرض
أيوب أخيرا اتكلم ..ممكن أعرف الدكتوره رافضاني ليه
روان فركت ايديها بتوتر وضمت شفايفها بخجل وقالت .. عشان انت انت فاجئتني بالطلب ده
أيوب رفع حاجبه بسخرية .. والله ! هو أنا مش لسه قايلك من أسبوع بحبك ! يبقى أكيد هاجي وهتقدملك ولا انتي فاكراني مش راجل قد كلمته ولا قد الكلمه اللي قالها
روان بصتله بخجل أكبر ومعرفتش ترد
أيوب اتنهد بغيظ منها وقال .. ممكن بقى نتكلم في اللي حصل أخر مره
روان اتنهدت بحزن وقالت ..أنا مش عايزه أتكلم
أيوب ..تمام متتكلميش أنا عايزك تسمعي وبس وبعدين كمل ونبرة صوته بدأت تهدى ..
روان بصيلي !
روان بصتله واتكلمت بهدوء ..نعم
أيوب ..أنا عارف انتي قد ايه قوية وإنك كنتي قد الإختبار اللي ربنا حطك فيه لكن اللي حصلك ده كان بسبب إنك مدتيش فرصه لنفسك تتعافي نفسيا وتواجهي مخاوفك وفكرتي إنك بمجرد ما تكملي حياتك طبيعي هتنسي لكن للأسف ده محصلش
روان أنا عايزك تديني فرصه أكون جنبك ونتخطي مع بعض كل اللي حصل أنا كمان محتاجك جنبي محتاج تعوضني عن كل اللي واجهته وأنا صغير
انتي العوض بتاعي من ربنا عن كل الصعوبات اللي قابلتني في حياتي وأنا كمان العوض بتاعك عن كل الۏجع والآلم والصبر احنا الاتنين عوض من ربنا لبعض
روان بصتله بابتسامة جميله وقلبها بيدق من كلامه 
أيوب ابتسم لما شاف الابتسامة اللي نورت وشها
واتكلم بحب باين في عيونه قبل كلامه ..تتجوزيني !
روان بصتله بخجل وخدودها اللي احمرت كالعادة من الخجل ومردتش 
______________________________
_ بارك الله لكما وبارك عليكما وجمع بينكما في خير
أيوب شد روان في حضنه ولف بيها بفرحة ونصر إنه اخيرا فاز بيها بعد عشق دام لست سنين كان فعلا 
عشق تحت إشراف طبي بين مريضه والدكتور بتاعها
روان خرجت من حضڼ أيوب بخجل ذاد أضعاف لما أيوب باسها من جبينها واتكلم بهمس ..مبروك يا حرم أيوب الشعراوي مبروك يا نين عين أيوب الشعراوي
الجده دخلت الأوضه واتكلمت بفرحة ..مبروك يا ولاد
أيوب وروان بابتسامة ..الله يبارك فيكي يا تيته
أيوب اتكلم ..من فضلك يا تيته ممكن أخد روان ونخرج شويه
الجده .. طبعا يحبيبي دي بقت مراتك خلاص
أيوب مسك ايد روان واتكلم بحب .. يلا بينا
____________________________
في مكان بيطل عالبحر والورد مزين المكان كله وأضواء هاديه بتذيد من الجو الرومانسي
كان أيوب واقف ورا روان اللي بتتأمل المكان بفرحة 
أيوب قرب من روان وحاوطها بحب وبعدين قال ..
المكان عجبك !
روان بفرحة ..جدا ده تحفه
أيوب ابتسم من فرحتها وبعدين شاور بإيده لشخص وبعد ثواني اشتغلت أغنية
جماعه الأغاني حرام فمن فضلكم اسمعوها بدون موسيقى وصدقوني بتكون أحلي كفاية إنكوا بتستمتعوا وفي نفس الوقت مش بتغضبوا ربنا. 
الأغنية اشتغلت وأيوب شد روان في حضنه
وبدأ يتمايل معاها بهدوء وهمس في ودنها ..
الأغنية دي مش بتفكرك بحاجة !
روان بابتسامة .. أول يوم اتقابلنا في استراحة المستشفى
الأغنية بدأت ..
بتونس بيك وانت معايا
بتونس بيك وبلاقي بقربك دنيايا
لما تقرب انا بتونس بيك
ولما بتبعد انا بتونس بيك
وخيالك بيكون ويايا ويايا
وان جاه صوتك صوتك بيونسني
وهواك فى البعد بيحرسني
والشوق يناديلك جوايا
وانا وانا وانا وانا وانا وانا
انا بتونس بيك وانت معايا
بتمر ساعات بعد لقانا
والروح لوجودك عطشانه
توحشني عينيك
وبلاقي الدنيا بقت فاضيه
مع انو الناس رايحه وجايه
وانا بحلم بيك
على طول فى خيالي بناديلك
وبقول يا تجيني يا حاجيلك
من غير مواعيد
ويا دوبك وف نفس الثانيه
بلاقيك قدامي يا عينيه
والايد بالايد
وفي الكوبليه ده أيوب بص لروان وعيونه بتلمع بحبها
وساعات بتمنى اني اشوفك
او لحد اشوف منك طيفك
مع حلم جميل
وما بين لحظه وبين الثانيه
اسمع صوتك مالي الدنيا
وف عز الليل
انت اللي بتسعد اوقاتي
وتأثر على كل حياتي اجمل تأثير
في الكوبليه ده روان همست بحب .. بحبک يا أيوب 
أيوب شالها ولف بيها بفرحة
ارجوك ما تسبني وحديه
وان غبت ولو لحد شويه كلمني كتير
لما تقرب انا بتونس بيك
ولما بتبعد انا بتونس بيك
والشوق يناديلك جوايا
وانا وانا وانا وانا....
بتونس بيك وانت معايا .
تمت بحمد الله 
_______________________________
تس تس انتباااااااااه أيها القارئ 
زي ما بعضكم عارف إني السنادي هكون ثانوية عامة وإنها السنه الأهم في حياتي علي الاطلاق ..
فا للأسف هبعد عن الكتابة فتره مش عارفه هتمدد لحد امتي بس الأكيد مش أقل من سنه أو يمكن أكتر .. 
عايزه أقولكم إني عالرغم من إني بدأت كتابه من شهور قليله ويمكن تكون أعمالي مش كتيره أو طويله بالدرجة الكافية إني أتشهر في الجروب وتتعلقوا بيا ..
بس حقيقي أنا مبسوطة إني حققت حلم من احلام الطفوله وهي إني أكتب والناس تقرأ كتاباتي وتحبها ..
أنا بقرأ كل الكومنتس اللي بتجيلي وعندي مئات من الاسكرينات لكلامكم اللي زي السكر وبجد لما بكون فاقده الشغف في الكتابه برجع أشوف كلامكم اللي بيديني حافز إني أكتب كل كلمه من قلبي مش مجرد كلام مرصوص جنب بعض عشان القصه تخلص ..
وبجد بشكر كل الناس اللي متبعاني من أول نوڤيلا نزلتها عالجروب ولحد دلوقتي بتكتبلي كومنت عايزه أقولكم إني عارفه أسمايكم وصورة الأكونت كمان ..
عندي طلب واحد منكم وهو إنكم تدعولي أحقق حلمي اللي بحلم بيه من وأنا طفله عندها خمس سنين 
واللي أعتقد بردو كلكم بقيتوا عارفينه من الاسكريبتات
مبعرفش أداري علي شمعتي أبدا